Fritidskortet og Kvinnherad Handballklubb

Kvinnherad Handballklubb er med i ordninga Fritidskortet i Kvinnherad kommune. Fritidskortet er ei økonomisk støtteordning som skal bidra til at barn og unge i alderen 6–18 år får høve til å delta i organiserte fritidsaktivitetar – uavhengig av familien sin økonomi. Ordninga er behovsprøvd og tillitsbasert, og rettar seg mot familiar som av økonomiske årsaker har behov for støtte til å dekke kostnader knytt til fritidsaktivitet. I prøveperioden kan kvart barn få refundert inntil 2 000 kroner per halvår (totalt inntil 4 000 kroner per år). Ordninga gjev økonomisk støtte til å dekke: - utgifter til trenings- og medlemskontingent På sikt er målet å få i gong ei ordning som også kan dekkje: - deltakaravgift på arrangement - nødvendig utstyr til aktiviteten Vi kjem tilbake til dette når det er klart. Fritidskortet blir administrert gjennom Friskus, og ordninga er knytt til Fritidserklæringa Vestland – med mål om at alle barn og unge skal få moglegheit til å delta i minst éin organisert fritidsaktivitet. Kvinnherad Handballklubb er registrert på Friskus, og all utbetaling skjer via kommunen sitt tenesteapparat. Gå til https://kvinnherad.friskus.com/ Trykk på LOGG INN øvst til høgre og opprett brukar dersom du ikkje har frå før. Opprett Fritidskonto for barnet/barna Vel FRITIDSKORT i menyen og gå vidare til Fritidskonto. Du treng barnet sitt fødselsnummer/D-nummer i denne prosessen. Vel FRITIDSKORT → Fritidskonto → Betale med Fritidskonto Vel arrangør: Kvinnherad Handballklubb Kontroller at rett kontonummer kjem opp før du stadfestar. Vel barnet sin Fritidskonto. I feltet «Fakturanummer eller barnets namn» skriv du: Barnets namn, fødselsår og kva betalinga gjeld. Døme: Ola Olsen, 2016, Kontigent handball vår 2026 Kari Hansen, 2012, Kontigent 2026 Legg inn beløpet du ønskjer å bruke frå Fritidskortet (innanfor ramma du har tilgjengeleg). Stadfest betalinga.